पणजी: नेहमीप्रमाणे 5 ते 7 जूनपर्यंत मान्सून(monsoon) गोव्यात(Goa) दाखल होईल, असा अंदाज आहे. पण, तौक्ते चक्रीवादळामुळे(Cyclone Tauktae) निश्चित तारीख सांगणे अवघड झाल्याचे हवामान खात्याचे शास्त्रज्ञ एम. राहूल यांनी सांगितले आहे. याशिवाय येत्या रविवारपर्यंत पावसाचा शिडकावा होत राहील, असेही ते म्हणाले. तौक्ते चक्रीवादळामुळे राज्यातील हवामानात अनपेक्षित बदल झाले आहेत. विशेषतः राज्यभरात अवकाळी पावसामुळे नागरिक त्रस्त आहेत. अद्यापही वादळाचा प्रभाव ओसरलेला नाही. त्यात केरळला 31 मे रोजी मान्सून पोहचणार हे निश्चित झाले आहे, त्याचाही हा परिणाम असल्याचे हवामान खात्याचे म्हणणे आहे. दरवर्षी केरळला मान्सून पोहचल्यानंतर चार ते पाच दिवसात मान्सून गोव्यात पोहचतो. यावेळीही तो त्याच काळात पोहचेल, पण निश्चित तारीख सांगता येत नाही. वादळामुळे हवामानात अनपेक्षित बदल झाले आहेत. त्याचा हा परीणाम आहे. कांही दिवस राज्याच्या विविध भागात पावसाचा शिडकावा होत राहणार आहे. (The monsoon will arrive in Goa from June 5 to 7)

Cyclone Tauktae Impact: गोव्यात आपत्ती व्यवस्थापनाचा पत्ताच नाही 

पुढील काही दिवस हवामानात बदल शक्य

आज गुरूवारपासून ते रविवारपर्यंत राज्याच्या विविध भागात पावसाचा शिडकावा होणार आहे. त्याशिवाय तापमानातही बदल होणार आहे. आज राज्याचे तापमान 31,21 अंश सेल्सीयस, 22  तारखेला 30अंश तर 23 तारखेला 29अंश सेल्सीयस असे तापमान असणार असा अंदाज हवामान विभागानं वर्तविला आहे. 1 जानेवारी 2021 पासून आतापर्यंत राज्यात362.1 मिमि पावसाची नोंद झाली आहे. त्यातील सर्वाधिक पाऊस (302.5 मिमि) गेल्या सहा दिवसात झाला आहे. 

COVID-19 Goa: 24 तासात 1209 कोरोना रुग्ण; 9 दिवसांत कोरोनाचे 499 बळी  

बंगालच्या वादळाचा परिणाम 

येत्या 25 मे रोजी बंगालच्या महासागरात वादळाची शक्यता आहे. या वादळाचा फटका बंगाल आणि ओडिसाला अधिक प्रमाणात बसणार आहे. परंतू, हे वादळ अरबी समुद्राच्या किनार पट्टीवर परीणीम करू शकणार नाही, असे एम. राहुल यांनी सांगितले.