नैऋत्य मोसमी वाऱ्याच्या (Monsoon) प्रगतीसाठी सध्या हवामानातील आवश्यक घटक पूरक आहेत. त्यामुळे यंदाच्या मॉन्सूनची प्रगती वेगाने सुरू असून गोव्यात पाच जूनला हजेरी लावेल, असा अंदाज हवामान विभागाने वर्तविला आहे.
मॉन्सून रविवारी (ता.19) दक्षिण अंदमानच्या समुद्रात दाखल होण्याची शक्यता भारतीय हवामान विभागाने यापूर्वी वर्तविली आहे. मॉन्सूनचे देशातील महाद्वार असलेल्या केरळमध्ये मॉन्सून 31 मे रोजी दाखल होणार असल्याचेही विभागाने जाहीर केले आहे. त्यामुळे आता राज्यात मॉन्सून कधी बरसेल याची उत्सुकता वाढली आहे.
मॉन्सूनच्या उत्तरेकडे होणाऱ्या प्रगतीच्या सरासरी तारखा ठरल्या आहेत. त्यानुसार गोव्यात पाच जूनला दाखल होऊन उत्तरेकडे वाटचाल करत सहा जूनला तळकोकणात मॉन्सून पोचेल. यंदा मॉन्सून दाखल होत असताना कोणतेही चक्रीवादळ बंगालच्या उपसागरात किंवा अरबी समुद्रात निर्माण झालेले नाही.
2005 पासून मॉन्सून केरळमध्ये दाखल होण्याची तारीख भारतीय हवामान विभाग जाहीर करत आहे. त्यासाठी सांख्यिकी पद्धतीचे प्रारूप देशात विकसित केले आहे. त्या आधारावर चार दिवस पुढे-मागे मॉन्सून केरळमध्ये दाखल होईल, असे नमूद केले आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.