डिचोली: मजुरांअभावी बांधकामात 'ब्रेक' पडलेल्या शहरातील 'मॉर्डन फायर स्टेशन' (Modern Fire Station) या अग्निशमन दलासाठी (Fire Brigade) बांधण्यात येणाऱ्या अत्याधुनिक इमारत प्रकल्प बांधकामात (construction) आता नवीन संकट उभे ठाकले आहे. या प्रकल्पाची बांधकाम जागा सध्या पाण्याखाली आली आहे. (Modern fire station project in Dicholi is facing difficulties)

मागील आठ दिवसांपासून पडणाऱ्या संततधार पावसामुळे प्रकल्पस्थळी पाणी तुंबल्याने त्याठिकाणी तलावसदृश्य स्थिती निर्माण झाली आहे. गोवा राज्य साधनसुविधा विकास महामंडळातर्फे साडे अकरा कोटी खर्चून आयडीसी परिसरात हा प्रकल्प उभारण्यात येत आहे. या प्रकल्पासाठी 5 हजार 479 चौरस क्षेत्रफळ जागा संपादीत करण्यात आली असून, 2 हजार 480 चौरस मीटर जागेत हा अत्याधुनिक प्रकल्प बांधण्यात येत आहे.

डिचोलीत पाण्यासाठी मारामारी; उद्यापर्यंत पाणी पुरवठा होणार सुरळीत

दरम्यान, जानेवारी 2019 मध्ये या प्रकल्पाची पायाभरणी करण्यात आली होती. त्यानंतर निवडणूक आचारसंहिता आदी काही कारणांमुळे आजपावेतो या प्रकल्पाच्या बांधकामांत अडथळा निर्माण होत आहे.