मडगाव: फातोर्डा येथील दामबाब लिंग मंदिराजवळ फातोर्डा रहिवाशांनी सोमवारी वर्षपद्धती प्रमाणे दीपोस्तव साजरा केला. या कार्यक्रमामध्ये आमदार विजय सरदेसाई ही सहभागी झाले होते. यावेळी बोलताना त्यांनी दामबाब तळीचे सुशोभितीकरण होऊन लोकार्पण झाल्यास या ठिकाणी गंगा आरतीच्या धर्तीवर दीपोत्सव साजरा केला जाईल असे आश्वासन आमदार देसाई यांनी दिले.

(MLA Vijay Sardesai celebrated Dipotsav at Fatorda)

या उत्सवात लोकांबरोबर विजय सरदेसाई, त्यांच्या पत्नी उषा, कन्या उर्वी आणि फातोर्डा येथील नगरसेवकांनी या सोहळ्यात भाग घेतला होता. यावेळी हा सर्व परिसर दिव्यांनी उजळून निघाला होता. दरम्यान बोलताना सरदेसाई यांनी 2017 साली येथील दामबाबांच्यातळीचे सुशोभिकरण करून ती लोकांसाठी खुली करण्याची योजना आखली होती.

पण सुशोभिकरण योजना जमीन मालकाने परवानगी न दिल्याने पुर्ण होऊ शकलेली नाही. या तळीशी लोकांच्या भावना गुंतलेल्या आहेत. त्याची कदर करून गोवा सरकारने या तळीची दुरुस्ती आणि सुधारणा घडवून आणावी. सरकारने या तळीचा ताबा लोकांकडे दिल्यास आम्ही येथे गंगा आरतीच्या धर्तीवर दीपोत्सव साजरा करु असे ते म्हणाले यावेळी म्हणाले.

या दरम्यान बोलताना मंदार सावर्डेकर यांनी, सरदेसाई यांचे कौतुक करत 10 वर्षापूर्वी त्यांच्याच पुढाकारातून येथे हा दीपोत्सव साजरा करण्यास सुरूवात झाली होती. यापुढे हा उत्सव आणखी जोमाने साजरा करण्यात येणार असल्याचे ते म्हणाले.