Alex Reginald Lawrence : कुडतरीचे आमदार आलेक्स रेजिनाल्ड लॉरेन्स यांनी आज सकाळी मडगाव पालिका अधिका-यांसमवेत सोनसोडोला भेट दिली व तेथील एकंदर स्थितीची पहाणी केली. तेथील आरडीएफ हटविताना मोठ्या प्रमाणात दुर्गंधी फैलावते, अशा तक्रारी राय आणि कुडतरीतील लोकांकडून आल्याने त्यांनी तेथील स्थितीचा आढावा घेतला. (MLA Reginald inspects Sonsodo work)

आलेक्स यांनी यावेळी पालिकेला आरडीएफवर रासायनिक फवारणी करण्याची सूचना केली. सोनसोडो समस्या (Sonsodo project) सोडविण्यासाठी एक विस्तृत बैठक बोलावण्याचा संकेत त्यांनी दिला. 'आजवर ज्या ज्या सरकारांनी ही समस्या सोडविण्यासाठी पुढाकार घेतला त्यांना आपण पाठिंबा दिला आता आपण सरकारचा भाग असून सोनसोडो समस्या सोडाविणे हा आपला प्राधान्यक्रम असेल', ते म्हणाले.

दरम्यान रेजिनाल्ड (Alex Reginald Lawrence) यांनी आज सकाळी कुडतरीतील शेतक-यांची बैठक घेतली आणि त्यांच्या समस्या जाणून घेतल्या. त्यांनी लवकरच कृषी व जलस्त्रोतसह सर्व संबंधित खात्यांची बैठक बोलावून शेतक-यांच्या सर्व समस्या नव्या हंगामापूर्वी सोडविण्याचे आश्वासन दिले.