Rape on Minor in Sanquelim: मागील काही दिवसांमध्ये अल्पवयीन मुलींवर बलात्कार होण्याच्या घटनांमध्ये कमालीची वाढ झाली आहे.

यामध्ये प्रामुख्याने ओळखीतल्याच माणसांचा समावेश असल्याचे तपासात समोर आले आहे. एका अल्पवयीन मुलीवर बलात्कार करण्याची खळबळजनक घटना साखळी परिसरात घडली आहे.

याप्रकरणी डिचोली पोलिसांनी स्वप्निल माशेलकर (22) या संशयित युवकाला अटक केली असून, तो सत्तरी तालुक्यातील पर्ये गावातील असल्याची माहिती मिळाली आहे. पीडित मुलीच्या आईने संशयिताविरोधात डिचोली पोलिस ठाण्यात तक्रार केली आहे.

संशयिताने पीडित मुलीवर लैंगिक अत्याचार करतानाच तिच्याकडील मोबाईलचीही मोडतोड केल्याचे तक्रारीत म्हटले आहे. याप्रकरणी पोलिसांनी पॉस्को कायद्याखाली गुन्हा नोंद करुन संशयिताला अटक केली आहे.

डिचोलीचे पोलिस निरीक्षक राहूल नाईक यांच्या मार्गदर्शनाखाली पोलिस उपनिरीक्षक विकेश हडफडकर या घटनेचा पुढील तपास करत आहेत.