Bull Fight Dainik Gomantak
गोवा

'बैलांची झुंज' आपल्या संस्कृतीचा भाग नाही, जीत आरोलकरांच्या 'धीरयो' कायदेशीर करण्याच्या मागणीला मंत्री ढवळीकरांचा विरोध

Bull Fight: राज्यात बैलांच्या झुंजींना (धिरयो) कायदेशीर करण्यासाठी कायदा करावी, अशी मागणी महाराष्ट्रवादी गोमंतक पक्षाचे आमदार जीत आरोलकर यांनी गोवा विधानसभेत केली होती.

Sameer Amunekar

पणजी: राज्यात बैलांच्या झुंजींना (धिरयो) कायदेशीर करण्यासाठी कायदा करावी, अशी मागणी महाराष्ट्रवादी गोमंतक पक्षाचे आमदार जीत आरोलकर यांनी गोवा विधानसभेत केली. मात्र, त्यांच्याच पक्षातील मंत्री सुदिन ढवळीकर यांनी धीरयो' कायदेशीर करण्याच्या मागणीला विरोध दर्शविला आहे.

सभागृहात बोलताना आमदार आरोलकर यांनी सांगितले की, गोव्यातील किनारी भागात धिरयो ही एक प्राचीन परंपरा आहे आणि तिचा उल्लेख हडप्पा संस्कृतीपासून सापडतो. बैल हा केवळ कृषी जीवनाचा भाग नसून, तो धार्मिक व सांस्कृतिक श्रद्धेचे प्रतीक आहे.

धिरयोसारख्या प्रथा ग्रामीण भागात बैलांचे संगोपन व देखभाल टिकवून ठेवण्यास उपयुक्त ठरतात, असे ते म्हणाले. त्यांनी सर्वपक्षीय आमदारांनी या परंपरेला पाठिंबा द्यावा, अशी मागणी त्यांनी केली होती.

सुदिन ढवळीकरांचा विरोध

मात्र, मंत्री सुदिन ढवळीकर यांनी आरोलकर यांच्या भूमिकेवर विरोध दर्शविला आहे. त्यांनी धिरयो या प्रथेला अनावश्यक आणि चुकीची परंपरा ठरवत प्राण्यांच्या सुरक्षिततेवर प्रश्नचिन्ह उपस्थित केले.

दिवाळीनंतर साजरा होणारा 'पाडवो' सण हा गायी व बैलांची पूजा करण्याचा दिवस आहे. एसटी व ओबीसी समाजातील लोक बैलांची पूजाअर्चा करतात. त्यामुळे बैलांच्या झुंजी लावणे हे परंपरेच्या विरोधात आहे.

सुदिन ढवळीकर पुढे म्हणाले की, 'धेंडलो' नावाची जुनी परंपरा धिरयोशी संबंधित असली तरी आजच्या पिढीला त्याची पुरेशी माहिती नाही. 'धिरयो' सारख्या प्रथांमुळे प्राण्यांच्या सुरक्षिततेवर प्रश्न निर्माण होतो. बैलांची झुंज आपल्या 'संस्कृती' किंवा 'धर्म'चा भाग नाही.

गोव्यातील किनारी भागात धिरयो ही जुनी प्रथा असून, हडप्पा संस्कृतीपासून या परंपरेचा उल्लेख आढळतो. बैल हे केवळ कृषी संस्कृतीचे नव्हे तर धार्मिक व सांस्कृतिक श्रद्धेचे प्रतीक आहेत. या प्रथेमुळे ग्रामीण भागात बैल आणि वासरांची अधिक चांगली निगा राखली जाते, असं आरोलकर यांनी सभागृहात बोलताना म्हटलं होतं. मात्र, त्यांच्याच पक्षातील नेत्याकडून धिरयोला विरोध होत आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Viral Video: 'तो' देवदूत बनून आला! स्वतःच्या जीवाची पर्वा न करता वासराला पाठीवर बसवून वाचवला जीव; पूरग्रस्त जम्मूतील हृदयस्पर्शी व्हिडीओ व्हायरल

Mental Health And Heart Disease: नैराश्य आणि ताणतणाव वाढवतात हृदयविकाराचा धोका; मानसिक आरोग्याकडे दुर्लक्ष करणं ठरु शकतं जीवघेणं

मानसिक रुग्णांना मिळणार 'नवी उमेद'; IPHB मध्ये लवकरच सुरू होणार पुनर्वसन केंद्र

Gold Price Hike: शेअर बाजार पडला, पण सोन्याने घेतली उसळी, एका महिन्यात तब्बल 'इतक्या' हजारांची वाढ; आता सप्टेंबरमध्ये होणार नवा रेकॉर्ड?

Duleep Trophy 2025: 13 चौकार, 3 षटकार! आयुष बडोनीचा 'डबल धमाका'; द्विशतक ठोकून टीमला पोहोचवले उपांत्य फेरीत

SCROLL FOR NEXT