गेल्या अनेक दिवसांपासून वेगवेगळ्या कारणांनी चर्चेच्या केंद्रस्थानी असलेली कला अकादमी आता लोकांसाठी खुली होणार आहे. याबाबतचे संकेत कला व संस्कृती मंत्री गोविंद गावडे यांनी दिले आहेत.

(Minister Govind Gawde informed that Kala Academy Goa will be opened on December 8)

मिळालेल्या माहितीनुसार राज्याचे कला व सांस्कृती मंत्री गोविंद गावडे यांनी कला अकादमीचे लोकार्पण येत्या 8 डिसेंबर रोजी होणारे असल्याचं म्हटले आहे. यावेळी गावडे म्हणाले की, अकादमीचे मुख्य सभागृह हे इफ्फीसाठी खुले केले जाणार नाही. कारण आवश्यकत्या प्रमाणात बांधकाम पुर्ण न झाल्याने हा निर्णय घेतला असल्याचं ते म्हणाले. त्यामुळे गेल्या अनेक दिवसांपासून चर्चेच्या केंद्रस्थानी असलेली कला अकादमी आता पर्यटक आणि गोवेकरांसाठी खुली होणार आहे.

गोवा भाजपचे प्रवक्त्यानेच केली चौकशीची मागणी

कला अकादमी नूतनीकरण निविदा प्रक्रिया न राबवल्याने काम सुरूवातीपासून वादाच्या भोवऱ्यात सापडले होते. या प्रकरणाची चौकशी केली जावी अशी समस्त गोमंतकीयांकडून मागणी होत आहे. त्यातच गोवा भाजपचे प्रवक्ते सॅवियो रॉड्रिग्ज यांनी मुख्यमंत्री पत्र लिहीत कला अकादमी निविदा प्रक्रियेची चौकशी करून दोषी असणाऱ्या मंत्र्यांवर कारवाई करावी अशी मागणी केली होती. त्यामूळे यावर राज्यभर खमंग चर्चा झाली.