Smart City Panaji: मागील अनेक दिवसांपासून पणजीत विविध कामे सुरू आहेत, विशेषत: सुरू असलेली रस्त्याची कामं यामुळे वाहतूकीची मोठी समस्या निर्माण झाली आहे. पणजीतील प्रमुख रस्ते खोदल्यामुळे वाहन चालकांना पर्यायी मार्गाचा वापर करावा लागत आहे. देशातील स्मार्ट शहरांच्या यादीत गोव्याची राजधानी पणजीचा देखील समावेश आहे. पण, सहा महिन्यांपेक्षा अधिककाळ सुरू असलेल्या कामांमुळे नागरिक त्रस्त झाले आहेत.

पणजीचे आमदार व गोवा सरकारमधील मंत्री बाबूश मोन्सेरात ( Babush Monserratte) यांनी पणजीमधील सुरू असलेल्या कामांबाबत आपली प्रतिक्रिया दिली आहे. "पणजीत सुरू असलेली कामे विकासासाठीच. अशा कामांना जनतेकडून सहकार्य अपेक्षित आहे. तसेच, स्मार्ट पणजीसाठी थोडा त्रास सहन कारावाच लागेल." असे बाबूश मोन्सेरात म्हणाले.

दरम्यान, मागील अनेक दिवसांपासून पणजीत विविध ठिकाणी रस्त्याची कामे सुरू आहेत. यामुळे वाहन चालकांना मोठा त्रास सहन करावा लागत आहे. यामुळे मुख्य रस्त्यांवर वाहतूक कोंडीची समस्या निर्माण झाली आहे. तसेच, रस्त्याचे खोदकाम केल्याने विजेची लाईन, पाण्याची लाईन तुटत आहेत. यामुळे वीजपुरवठा खंडीत होणे, पाणीपुरवठा विस्कळीत होणे यासारख्या समस्यांचा सामना नागरिकांना कारावा लागत आहेत.