Goa Accident News: तामिळनाडू वालंकिणी येथील सायबिणीचे दर्शन घेऊन गोव्यात येताना धारवाड-गोवा मार्गावरील रामनगरनजीक असलेल्या कुंभार्डा कोडगाई क्रॉस येथे रस्त्याच्या बाजूला असलेल्या झाडाला मिनी बसने धडक दिल्याने म्हापशातील सात भाविक जखमी झाले आहेत.

त्यांच्यावर बेळगाव येथील केएलई हॉस्पिटलमध्ये उपचार सुरू आहेत. त्यापैकी एका भाविकाची प्रकृती चिंताजनक असल्याचे सांगण्यात आले.

जीए-03-व्ही-0289 क्रमांकाच्या विंगर बसमधूून 10 जण तामिळनाडू येथील वालंकिणी येथे सायबिणीच्या दर्शनाला गेले होते. तेथून गोव्याच्या दिशेने येताना गुरुवारी पहाटे साडेपाचच्या सुमारास कुंभार्डा येथे चालकाचा वाहनावरील ताबा सुटल्याने ते रस्त्यालगतच्या झाडाला धडकले.

जखमींची नावे

• जॉन फर्नांडिस (वय 38)

• तोजेंता परेरा (वय 15),

• इसाबेल फर्नांडिस (वय 40),

• जीन परेरा (वय 45),

• मालिन जॉन फर्नांडिस (वय 8),

• जॉन्सन फर्नांडिस (वय 3),

• जेनुस्ता परेरा (वय 17)

चालकावर गुन्हा

बेदरकारपणे वाहन चालवल्याप्रकरणी चालकावर गुन्हा नोंदवला आहे, अशी माहिती लोंढा पोलिस स्थानकाचे एएसआय एम. एस. कामत यांनी दिली.

प्राप्त माहितीनुसार, या अपघातात दोन मुलांसह सहा भाविक किरकोळ जखमी असून एकजण गंभीर जखमी आहे. गंभीर जखमी भाविकाचे नाव जॉन फर्नांडिस असे आहे.