Millet Farming Awareness in Goa: राज्यात पूर्वापार नाचणी या भरड धान्याचे पीक घेतले जाते. पंरतु आता लागवडीत घट झाली असून शेतकऱ्यांनी नाचणी पिकाची लागवड करावी यासाठी कृषी संचालनालयाद्वारे १५ एप्रील पासून जागृती मोहीम राबविण्यात येणार असल्याचे कृषी संचालक नेविल आल्फोन्सो यांनी सांगितले.

नाचणीचे पीक प्रामुख्याने राज्यातील डोंगराळ भाग असणाऱ्या काणकोण, केपे, डिचोली, पेडणे, सत्तरी, आदी भागात पिकते.

नाचणीचे उत्पादन घेणाऱ्या गावांमध्ये जाऊन जागृती करत शेतकऱ्यांना पीक लागवडीसाठी प्रोत्साहित करणार, असे कृषी संचालक नेविल आल्फोन्सो यांनी सांगितले.

कृषी संचालनालयाचे प्रयत्न

जगभरात आणि भारतात भरड धान्याच्या अनुषंगाने महत्त्वाची पावले उचलली जात आहेत. शेतकऱ्यांनी पुन्हा आपल्या पारंपरिक शेतीकडे वळावे, पौषक भरड धान्याची लागवड करावी, यासाठी सरकार प्रयत्नशील आहे.

गोव्यात देखील कृषी संचालनालयाद्वारे भरड धान्यांच्या लागवडीसाठी प्रयत्न केले जात आहेत.

शेतकऱ्यांनी घ्यावे नाचणीचे पीक

शेतकऱ्यांनी मोठ्या प्रमाणात नाचणी पीक घ्यावे, यासाठी शेतकऱ्यांना मोफत नाचणीचे बियाणे देण्यात येणार आहे.

त्यासोबतच नांगरणीसाठी तसेच पिकाच्या सुरक्षेच्या अनुषंगाने कुंपनासाठी शेतकऱ्यांना कृषी संचालनालयाद्वारे अनुदान देण्यात येईल.

त्यासोबतचा नव तंत्रज्ञानाच्या अनुषंगाने देखील शेतकऱ्यांना योग्य ती मदत करण्यात येणार असल्याचे संचालक आल्फोन्सो यांनी सांगितले.