Mhaus: दसरोत्सवामुळे म्हाऊस गावाला एक वेगळी ओळख आहे. या गावातील देवस्थान सभामंडपाची समस्या अजूनपर्यंत सुटलेली नाही. यामुळे येणाऱ्या काळात ही समस्या सुटावी यासाठी प्राधान्यक्रमाने लक्ष देणार असल्याचे आश्वासन स्थानिक आमदार तथा गोवा वन विकास महामंडळाच्या अध्यक्ष डॉ. दिव्या राणे यांनी दिले.

म्हाऊस-सत्तरी येथील देवस्थानच्या प्रांगणात आयोजित करण्यात आलेल्या खास सभेमध्ये त्या बोलत होत्या. या प्रसंगी व्यासपीठावर सामाजिक कार्यकर्ते विनोद शिंदे, देवयानी गावस, पंचायतीचे सरपंच सोमनाथ काळे, राधिका सावंत, स्थानिक पंच सुलभा देसाई, प्रीती गावकर, गुरुदास गावस, सयाजी सावंत, देवस्थानचे पुजारी व ज्येष्ठ नागरिकांची उपस्थिती होती. विनोद शिंदे यांनी गावाच्या सर्वांगीण विकासाचे आश्वासन दिले.

डॉ. दिव्या राणे, आमदार-

या गावाच्या दसरोत्सवाला विशेष परंपरेचा वेगळाच साज लाभलेला आहे. दसरोत्सवानिमित्ताने हजारो भाविक या ठिकाणी देवदर्शनाचा लाभ घेतात त्यांना सभामंडपाची कमतरता भासते. लवकरच ही समस्या सोडविणार.