मडगाव : कोलवा परिसरात एका विवाहित महिलेनं गळफास घेत आत्महत्या केली आहे. कोलव्यातील वार्ड क्रमांक 4 मधील 33 वर्षीय महिनेनं आत्महत्या का केली याचं कारण मात्र गुलदस्त्यात आहे. पोलिसांनी घटनास्थळी धाव घेत तपास सुरु केला आहे. (Married lady committed Suicide News Updates)

मडगावमध्ये कोलवा (Colva) परिसरातील 33 वर्षीय महिलेने राहत्या घरात गळफास घेतला आहे. मंगळवारी महिलेने आत्महत्या केल्याची माहिती पोलिसांनी दिली आहे. पोलिसांच्या माहितीनुसार महिलेनं स्वत:ला बेडरुममध्ये बंद करुन घेतलं. आतून दरवाजा बंद करत ओढणीच्या साहाय्याने फॅनला गळफास घेतला. महिलेला पंख्याला लटकलेलं पाहून कुटुंबीयांनी पोलिसांना याची माहिती दिली.

पोलिसांनी तातडीने घटनास्थळी धाव घेत मृतदेह खाली काढला. महिलेच्या मृतदेहाला दक्षिण गोवा जिल्हा (South Goa) रुग्णालयात पाठवण्यात आलं आहे. याठिकाणी हा मृतदेह ठेवण्यात आला असून त्याची उत्तरीय तपासणीही केली जाणार आहे. पंचनाम्यावेळी महिलेच्या मृतदेहाशेजारी कोणतंही पत्र सापडलं नाही. त्यामुळे महिलेनं हे टोकाचं पाऊल का उचललं याचं कारण अद्याप अस्पष्ट आहे. पोलिसांनी (Police) पुढील तपास सुरु केला असून कुटुंबीयांची चौकशीही केली जाणार आहे.