Margao Accident News : मडगाव पालिकेच्या वाहनाला ब्रेक फेल झाल्याने अपघात झाल्याची घटना घडली आहे. पालिकेच्या वाहनाने पार्क केलेल्या 3 दुचाकींना धडक दिली. ही घटना सोमवारी दुपारी मडगावात घडली. सुदैवाने अपघातात कोणी जखमी झाले नाही.

याबाबत अधिक माहिती अशी की, मडगाव पालिकेच्या वाहनाने पार्क केलेल्या 3 दुचाकींना धडक दिली. या धडकेत दुचाकींचे नुकसान झाले आहे. या घटनेबाबत चालकाला सांगितले की, मुख्य रस्त्यावर घसरलेल्या एका दुचाकीस्वाराला वाचवण्यासाठी वाहन बाजूला घ्यावे लागले.

दरम्यान, या प्रयत्नात वाहनाचे अचानक ब्रेक फेल झाल्याने चालकाचे वाहनावरील नियंत्रण सुटल्याने रस्त्याच्या बाजूला असलेल्या लोकांना तसेच वाहनांना धडक बसण्यापासून वाचवण्यासाठी उभ्या असलेल्या वाहनांना धडक दिली. धडकेत 3 दुचाकींचे नुकसान झाले आहे.