म्हापसा: शेट्येवाडा, म्हापसा येथील बडिगेर यांच्या दीपा टाईल्स आस्थापनाजवळील सार्वजनिक विहिर रातोरात अनोळखी व्यक्तीने मातीचा भराव टाकून बुजवली आहे. याप्रकरणी स्थानिक नगरसेवक अ‍ॅड. तारक आरोलकर यांनी रहिवाशांतर्फे बार्देश मामलेदारांकडे लेखी तक्रार दिली आहे.
काही स्थानिक कुटुंबे आपल्या दैनंदिन वापरासाठी या विहिरीच्या पाण्याचा वापर करायची. मात्र, अज्ञात व्यक्तीने दोन ट्रक भर माती या विहिरीत टाकून ती पूर्णतः बुजवली आहे. त्यामुळे या विहिरीचे पाणी काढणे कठीण बनले आहे. मातीचा भराव टाकून बुजवलेली ही विहिर निदर्शनास येऊन नये, यासाठी माडाची झावळे आणि झाडेझुडूपे त्यावर टाकण्यात आली आहेत.
सार्वजनिक विहिर बुजवणाच्या या प्रकाराची तातडीने दखल घ्यावी. तसेच संबंधितावर लवकरात लवकर कठोर कारवाई करावी, अशी मागणी नगरसेवक आरोलकर यांनी या तक्रार पत्राद्वारे मामलेदारांकडे केली आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.