म्हापसा: जुन्या एसटी स्थानकासमोरील तसेच क्रांतिवीर चौकाजवळील एक मजली घर जे मोडकळीस आले होते, ते आज म्हापसा नगरपालिकेने जमीनदोस्त केले.

राजेंद्र प्रभुदेसाई यांच्या मालकीच्या या बंगल्यामध्ये डॉ. चंदू बोरकर कुटुंबीयांचे वास्तव्य होते. दुरुस्तीअभावी ही इमारत मोडकळीस आल्याने बोरकर कुटुंबीयांनी घराचा ताबा सोडल्यानंतर गेली काही वर्षे हे घर विनावापर पडून होते.

सार्वजनिक जीवाला धोकादायक असल्यामुळे पालिकेने संबंधित जमीनदार राजेंद्र प्रभुदेसाई व डॉ. चंदू बोरकर यांच्या वारसदारांना नोटीस बजावून हे घर स्वतःहून पाडण्याची सूचना केली होती.

त्यानंतर सप्टेंबर २०१९ मध्ये या इमारतीचा दर्शनी भाग कोसळला होता. त्यापासून पालिकेने या इमारतीच्या विरोधात सार्वजनिक सुरक्षेच्या कारणास्तव आवश्यक पाठपुरावा केला होता.