Mapusa Fire News: खोर्ली, म्हापसा येथील एका घराला आज (गुरुवार) सकाळी भीषण आग लागली. यामध्ये 75 वर्षीय वृद्धा निशा कोरगावकर या जखमी झाल्या. दरम्यान, आगीची माहिती मिळताच म्हापसा अग्निशमन दलाने घटनास्थळी धाव घेत आग विझवण्याचे काम सुरू केले.

निशा कोरगावकर यांनी आपली ही खोली अंगणवाडीला भाडयाने दिली आहे. त्या घरी एकट्याच राहतात. सध्या त्यांच्यावर म्हापसा जिल्हा इस्पितळात उपचार सुरू आहेत. दरम्यान, ही आग नेमकी कशामुळे लागली याचे नेमके कारण समजू शकले नाही.

सदर घटना पहाटे ४ वाजताच्या सुमारास घडली. या घटनेत 30 हजारांचे नुकसान झाले, तर 1 लाख रुपयांची मालमत्ता वाचवण्यात अग्निशमन दलाला यश आले.