म्हापसा उत्तर जिल्हा रुग्णालयातील सिटी स्कॅन मशीन दोन महिन्यांहून अधिक काळ कार्यान्वित नसल्यामुळे स्कॅन करणे आवश्यक असलेल्या रुग्णांना बांबोळी येथील गोवा वैद्यकीय महाविद्यालयात पाठविले जात आहे.
उपलब्ध माहितीनुसार, उत्तर जिल्हा रुग्णालयात गेल्या दोन महिन्यांपासून सिटी स्कॅन मशीन काम करत नसल्याने रुग्णांची व त्यांच्या कुटुंबीयांची गैरसोय होत आहे. कारण रुग्णाला जीएमसीमध्ये पाठवले जात आहे.
रूग्णांना झालेल्या अंतर्गत दुखापतींचे निदान करण्यासाठी रुग्णालयात सिटी स्कॅन आवश्यक असते. ज्यामध्ये अपघाती प्रकरणे किंवा काही मारामारीची प्रकरणे समाविष्ट असतो. आणि या प्रकरणांमध्ये अंतर्गत दुखापती समजण्यासाठी सिटी स्कॅन तपासणी करणे आवश्यक असते. बांबोळी येथील गोवा वैद्यकीय महाविद्यालयात हस्तांतरित केलेल्या बहुतांश प्रकरणांमध्ये सिटी स्कॅन प्रकरणांचा समावेश असल्याची माहिती रुग्णालयाच्या सूत्रांनी दिली.
वरिष्ठ डॉक्टरांशी संपर्क साधला असता त्यांनी सांगितले की, यापूर्वीही सिटी स्कॅन मशीनच्या समस्या होत्या. मात्र आम्ही मशीनची किरकोळ दुरुस्ती केली होती. तथापि, या वेळी समस्या मोठी आहे. दुरुस्ती एजन्सीने आधीच मशीनचे मूल्यांकन केले आहे आणि अंदाजे रकमेसाठी उच्च प्राधिकरणाची मंजुरी आवश्यक आहे.
आम्ही आमच्या उच्च अधिकाऱ्यांना परिस्थितीबद्दल आधीच माहिती दिली आहे आणि मंजुरीची प्रतीक्षा आहे. जास्तीत जास्त प्रकरणे हॉस्पिटलद्वारे हाताळली जातात परंतु बहुतेक रेफरल केसेस सिटी स्कॅनसाठी असतात” असे वरिष्ठ डॉक्टरांनी सांगितले. नवीन सिटी स्कॅन मशिन खरेदी करण्याचीही योजना असल्याची माहिती सूत्रांनी दिली
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.