प्राथमिक आरोग्य केंद्र कोलवाळ व रोटरी क्लब म्हापसा यांच्या संयुक्त विद्यमाने कोलवाळ येथील हळर्णकर शैक्षणिक संस्थेतील श्री राम विद्यामंदिरात १३ जुलै रोजी विद्यार्थी व पालकांसाठी विशेष रानभाजी पाककला स्पर्धा राबविण्यात आली.

यावेळी मच्छीमार खात्याचे मंत्री नीळकंठ हळर्णकर आणि वैद्यकीय अधिकारी डॉ. स्नेहा नाईक, डॉ. शुभ्रा भोसले आणि डॉ. पुष्पा देसाई तसेच मुख्याध्यापिका जोआना मोंतेरो उपस्थित होत्या. रोटरी क्लबचे अध्यक्ष डॉ. कन्हैय्या शिरसाट.

तसेच डॉ. स्नेहा नाईक यांनी पौष्टिक आहारासंबंधी भाषण दिले. विद्यार्थ्यांनी रानभाज्यांपासून वेगवेगळे पदार्थ बनवले. प्रथम बक्षीस साई कुडणेकर, द्वितीय पार्थ कुडणेकर, तर कुंजल शेटये हिने तृतीय बक्षीस पटकावले. मान्यवरांच्या हस्ते बक्षीस वितरण झाले. सूत्रसंचालन शिक्षिका सुप्रिया नावेलकर यांनी केले. शिक्षिका स्नेहा तानावडे रेडकर यांनी स्पर्धेसाठी सहकार्य केले.