काणकोण: लोलये पंचायत क्षेत्रात (Lolaye Panchayat area) जैवविविधतेने (biodiversity) संपन्न अनेक पठारे आहेत त्यापैकीच माड्डीतळप पठार (Madditalap plateau) आहे.या पंचायत क्षेत्रातील भगवती पठार असेच जैवविविधतेने समृद्ध आहे.

माड्डीतळप पठारावर वृक्षवल्ली त्याचप्रमाणे प‌शुपक्षी, सरपटणारे प्राणी, वेगवेगळ्या प्रकारचे बेडूक,किटक,किटक भक्ष्यीय वनस्पती या जैवविविधतेने समृद्ध आहे.या सर्व जैवविविधतेचे संवर्धन होण्याची गरज आहे. ही पठारे लोलये गावचे जलसंचय क्षेत्र आहे.ही पठारे वाचली तरच लोलये गावची पाण्याची समृद्धता टिकून राहणार आहे.माड्डीतळप पठार सद्या सीतेची आसवे या वनस्पतीने बहरले आहे.

निळी फुले येणारी वनस्पती युट्रीकुलेरिया (Utricularia) प्रजाती असून तिला पर्पल ब्लेडवर्ट असे नाव आहे.मराठीत तिला सीतेची आसवे असे म्हणतात. आणि पांढरी फुले इरिओकोलन प्रजातीची आहेत त्याचे निसर्गात महत्वाचे स्थान असल्याचे श्री मल्लिकार्जुन आणि चेतन मंजू देसाई महाविद्यालयाचे उपप्राचार्य व पर्यावरण प्रेमी डॉ.एफ.एम.नदाफ यांनी माहिती देताना सांगितले.