मडगाव: शांतीनगर-नावेली येथील एका चायनीज फास्ट फूड रेस्टॉरंटमध्ये सोमवारी (ता.२१) रात्री एका भरलेल्या एलपीजी सिलिंडरचा स्फोट झाल्यामुळे आग लागली. या आगीत सुमारे लाखभर रुपयांची हानी झाली तर अग्निशामक दलाने सुमारे पाच लाखांची मालमत्ता वाचविण्यात यश मिळविले.

सिलिंडरचा स्फोट झाल्याने हे चायनीज रेस्टॉरंट पूर्णपणे उद्‌ध्वस्त झाले. चायनीज फास्ट फूडला लागलेली आग लगतच्या भाजीपाला विक्रीच्या दुकानाला तसेच जवळच्या व्यावसायिक आस्थापनामध्ये पसरण्यापूर्वी, अग्निशामक दलाच्या कर्मचाऱ्यांनी विझली, त्यामुळे संभाव्य हानी टळली.

अग्निशामक दलाच्या कर्मचाऱ्यांनी एक रिकामा एलपीजी सिलिंडर परिसरातून यशस्वीरित्या काढून टाकला, ज्यामुळे कोणताही धोका निर्माण झाला नाही.

अग्निशामक दलाच्या कर्मचाऱ्यांनी आजूबाजूचा परिसर कसून तपासला व अन्य धोका नसल्याचे स्पष्ट केले. हे चायनीज फास्ट फूड रेस्टॉरंट मुहम्मद मुल्ला यांच्या मालकीचे होते, अशी माहिती अग्निशामक दलाने दिली.