बेहिशोबी मालमत्ता प्रकरणात लोकायुक्त पोलिस कर्नाटकात छापेमारी करत आहेत. यामध्ये बंगळुरु महानगरपालिकेच्या महसूल निरीक्षक बसवराज मगी यांच्या घरी 583 कॅसिनो कॉईन्स सापडले आहेत.

केंगेरी विभागाच्या या निरीक्षकाच्या कलबुर्गी निवासस्थानी गुरुवारी ही कारवाई करण्यात आली. कॅसिनो नाण्यांचे आर्थिक मूल्य अद्याप निश्चित झालेले नाही.

समोर आलेल्या माहितीनुसार, बेहिशोबी मालमत्तेच्या प्रकरणात लोकायुक्त पोलिसांनी राज्यभरात छापे सुरु केलीय. आत्तापर्यंत कारवाई केलेल्या 11 सरकारी अधिकाऱ्यांमध्ये (एका निवृत्त व्यक्तीसह) मगी यांचाही समावेश होता.

मगी गोव्यातील पणजी येथील कॅसिनोचा सदस्य असल्याचे तपासात समोर आले आहे. गुरुवारी मगीशी संबंधित 11 ठिकाणी छापे टाकल्याची माहिती लोकायुक्तांनी दिलेल्या प्रेस नोटमध्ये दिली आहे.

मगीकडे 15 जागा, दोन निवासी घरे, 32 एकर शेतजमीन आणि 59 लाख रुपये रोख आहेत. मगीची एकूण संपत्ती 3.3 कोटी किंमतीची आहे.

छापा टाकलेल्या अधिकाऱ्यांच्या बेहिशोबी मालमत्तेचे प्रमाण लोकायुक्त पोलिसांना अद्याप लागलेले नाही, अशी माहिती आहे.