Local Taxi Drivers Mopa

हरमल: स्थानिक टॅक्सी व्यावसायिकांना मोपा विमानतळवर प्रवासी जाणे सध्या कठीण झाले आहे. पावलोपावली पोलिस, वाहतूक पोलिस. फ्लाइंग स्क्वॉड आदींच्या सतावणुकीस सामोरे जावे लागते. त्यामुळे प्रवाशांचा वेळ वाया जाण्याबरोबरच टॅक्सी व्यावसायिकांचीही सतावणूक होत आहे. हा छळ थांबवा, अशी मागणी स्थानिक टॅक्सी व्यावसायिकांनी केली आहे.

किनारी भागातील सगळ्या टॅक्सी व्यावसायिकांकडे आवश्यक परवाना व वैध कागदपत्रे असतात. तरीही वारंवार अडवून करून सरकार काय साध्य करू पाहत आहे, असा प्रश्‍न हे व्यावसायिक उपस्थित करीत आहेत.

या सतावणुकीमुळे टॅक्सी व्यावसायिक हैराण आहेत, असे टॅक्सी चालक अनंत नाईक यांनी सांगितले.सरकार टॅक्सी व्यवसायिकांना अडचणी का निर्माण करीत आहे? हा गंभीर प्रश्न असून सरकारचा इरादा काय आहे? सरकारने दिशाभूल न करता, इरादा स्पष्ट करावा, अशी मागणी व्यावसायिक हितेंद्र ठाकूर यांनी केली आहे.

प्रलंबित मागण्या पूर्ण करा

टॅक्सी व्यावसायिक ॲप आधारित टॅक्सी व्यवसाय करीत नसल्याचे कारण असल्यास, सरकारने मोपा विमानतळ तसेच लागू केलेले टॅक्सीचे दरपत्रक समान करावे, सबसिडी चालू करावी व प्रलंबित मागण्या सोडवाव्यात तसेच स्थानिकांना प्रोत्साहन देण्यासाठी खास योजना राबवावी, अशी मागणी टॅक्सी संघटनेच्या एका सदस्याने केली.