Kadamba Bus Live Tracking App : आता कदंबाने प्रवास करणाऱ्या प्रवाशांचा प्रवास आणखी सुखकर होणार आहे. कदंब महामंडळाने ‘लाईव्ह बस ट्रॅक अ‍ॅप’ लाँच केले असून आजपासून त्याचा प्रायोगिक तत्त्वावर वापर करण्यास सुरुवात करण्यात आली आहे. पुढील 15 दिवस वापर करण्यात येणार असून 1 ऑग्स्टपासून या अ‍ॅपची प्रत्यक्ष अंमलबजावणी करण्यात येणार आहे.

काही महिन्यांपूर्वी कदंब महामंडळाने ‘लाईव्ह बस ट्रॅक अ‍ॅप’ सुरू करण्यात येणार असल्याची घोषणा केली होती. या अ‍ॅपच्या मदतीने प्रवाशांना कदंबा बसचे लोकेशन मिळण्यास मदत होणार आहे. 'या अ‍ॅपमुळे नागरिकांच्या कदंब प्रवासासंदर्भातील अनेक समस्या सुटतील', असा विश्वास कदंबा महामंडळाने व्यक्त केला.   

महामंडळाला हे अ‍ॅप बंगळुरु येथील रोमन टेक्नॉलॉजी या कंपनीने​ मोफत तयार करून दिलेले आहे. १५ जुलैपासून हे अॅप प्रायोगिक तत्त्वावर वापर करण्यास सुरुवात करण्यात आले असून पुढील पंधरा दिवस नियंत्रण ठेवून आणि त्रुटी दूर करून 1 ऑगस्टपासून अ‍ॅपची सर्वच प्रवाशांसाठी अंमलबजावणी करण्यात येणार आहे.