Liquor Sale At Aguada Fort: गोवन स्वातंत्र्य संग्रामाचा साक्षीदार असलेल्या आग्वाद किल्ला (Aguada Fort) येथे मद्यविक्री केली जात असल्याचे समोर आल्यानंतर त्यावरून विविध पतिक्रिया समोर येत आहेत. गोव्यातील आम आदमी पक्षाने याबाबत थेट राज्य सरकारलाच सवाल केले आहेत.

आम आदमी पक्षाचे गोवा समन्वयक ॲड. अमित पालेकर यांनी स्वतःच्या ट्विटर अकाऊंटवरून या मद्य विक्रीची छायाचित्रेच सोशल मीडियात पोस्ट केली आहेत.

गोव्याच्या स्वातंत्र्य चळवळीचे केंद्र राहिलेल्या आग्वाद किल्ल्यावर (Aguada Fort) मद्य विक्री केली जात आहे. याला परवानगी कुणी दिली? हे समोर आले पाहिजे. हे गोव्याचे नवे बिझनेस मॉडेल आहे का? यातून स्वातंत्र्यसैनिकांच्या बलिदानाचा अपमान केला जात आहे, अशी टीका ॲड. अमित पालेकर यांनी केली आहे. दरम्यान, किल्ल्यातील मद्यविक्री त्वरीत बंद करून, दोषींवर कारवाईची मागणी होत आहे.

दरम्यान, भारतीय स्वातंत्र्याच्या अमृत महोत्सवानिमित्त या किल्ल्यातील वस्तुसंग्रहालय वर्षभरासाठी विद्यार्थ्यांना मोफत पाहता येणार आहे.