Goa Thunderstorm Update: गोव्यातील लोकांसाठी महत्वाची बातमी असून, राज्यातील दोन्ही जिल्ह्यात पुढील 3-4 तासांत वादळासह हलका ते मध्यम पाऊस पडण्याची शक्यता आहे. गोवा हवामान खात्याने याबाबत माहिती दिली असून, राज्यातील नागरिकांना सतर्क राहण्याचा इशारा देण्यात आला आहे.

गोवा हवामान खात्याने दिलेल्या माहितीनुसार, राज्यातील उत्तर आणि दक्षिण जिल्ह्यांतील वेगळ्या ठिकाणी पुढील 3-4 तासांत हलक्या ते मध्यम गडगडाटी वादळाची शक्यता आहे.

तसेच, मेघगर्जनेसह / विजांच्या कडकडाटासह हलका ते मध्यम पाऊस पडण्याची शक्यता आहे.

मागील दोन दिवसांपासून राज्यातील वातावरण ढगाळ असून, काही दिवासांपूर्वी हवामान खात्याने हलक्या ते मध्यम पावसाच्या शक्यतेचा अंदाज वर्तवला होता.

दरम्यान, पुढील 3-4 तासांत हलक्या ते मध्यम गडगडाटी वादळ आणि मेघगर्जना / विजांच्या कडकडाटासह हलका ते मध्यम पाऊस पडण्याची शक्यता असल्याने नागरिकांना सतर्क राहण्याचा इशारा देण्यात आला आहे.