IMD Goa Rain Forecast: राज्यात आगामी चार ते पाच दिवसात कमाल तापमानात वाढ होण्याची शक्यता आहे. तसेच शुक्रवारी 28 एप्रिल रोजी काही ठिकाणी हलका पाऊस पडू शकतो, असा अंदाज गोवा वेधशाळेने (IMD Goa) वर्तविला आहे. काही ठिकाणी गडगडाटही होईल, असेही या अंदाजात म्हटले आहे.

दरम्यान, आकाश अंशतः ढगाळ राहू शकते, तसेच पहाटे अनेक ठिकाणी धुकेही पडू शकते, असेही आयएमडी गोवाने म्हटले आहे. आज, मंगळवारी 25 एप्रिल रोजी तसेच 26 आणि 27 एप्रिल रोजी हवामान कोरडे राहण्याची शक्यता आहे.

कमाल आणि किमान तापमान अनुक्रमे 35 अंश सेल्सिअस आणि 25 अंश सेल्सिअस राहण्याची शक्यता आहे. सोमवारी राज्यात कोरडे हवामान होते आणि काही ठिकाणी धुके पडले होते. मंगळवारीही काही ठिकाणी धुके पडले होते.