पणजी: देशातील (country's) शेतकरी संघटना व कामगार संघटना (farmers' unions and trade unions) यांनी आपल्या विविध मागण्यासाठी आज पुकारलेल्या देशव्यापी भारत बंदाला (Bharat Banda) गोव्यात (Goa) प्रतिसाद मिळाला नाही. गोव्यात आयटक या कामगार संघटनने गोव्यात भारत बंदला पाठिंबा देण्याचे आवाहन केले होते. स्वत: आयटकने काही ठिकाणी औद्योगीक वसाहतीच्या बाहेर व काही खाण कंपण्याच्या बाहेर कामगारांंना घेऊन निदर्शने केली तेवढेच.

मात्र राज्यातील पणजीसह इतर सर्वच शहरातील जनजिवन सुरळीत सुरु होते. दुकाने बंद नव्हती, की बाजार बंद नव्हते. कुठेही रस्त्यावर वर्दळ कमी झालेली नव्हती. सर्व बॅंकाचे व सरकारी कार्यालयाचे व्यावहार सुरळीत सुरु होते. बस वाहतूक व टॅक्सी वाहतूकही सुरु होती. औद्योगीक वसाहतीतील उद्योगही सुरु होते.

दरम्यान बॅंक कर्मचारी संघटनेचे अध्यक्ष सुभाष नाईक जॉर्ज यांनी दिलेल्या माहितीनुसार राज्यातील बॅंकांनी कामकाज बंद ठेवले नाही. बॅंका सुरु होत्या. मात्र बॅंक कर्मचारी संघटनेचा भारत बंदला नैतीक पाठिबा होता. अशी माहिती नाईक जॉर्ज यांनी दिली.

30 रोजी महामेळावा व धरणे

भारत बंद आंदोलनाचा भाग म्हणून आयटकद्वारे ३० सप्टेंबर रोजी पणजी येथील आझाद मैदानावर सकाळी 10 वाजल्यापसून कामगार महामेळावा व धरणे आंदोलन आयोजित करण्यात आले आहे.