NIO scientific study underwater landslide  Dainik Gomantak
गोवा

Underwater Landslide: पाण्याखाली मोठ्या भूस्खलनाची नोंद! NIO दोनापावलाचा शोध; काय होणार परिणाम? वाचा

NIO scientific study Dona Paula: या आपत्तीजनक भूस्खलनाचा शोध टाईम-लॅप्स भूभौतिकीय डेटाच्या साहाय्याने लावण्यात आला असून हा प्रकार या क्षेत्रातील सर्वांत मोठ्या पाण्याखालील भूस्खलनांपैकी एक मानला जात आहे.

Sameer Panditrao

Krishna-Godavari Basin Bay of Bengal underwater landslide NIO Report

पणजी: कृष्णा-गोदावरी (केजी) खोऱ्यात, बंगालच्या उपसागरात, एका पाण्याखालील भूस्खलनाची नोंद दोनापावल येथील राष्ट्रीय समुद्र विज्ञान संस्थेच्या (एनआयओ) एका क्रांतिकारक अशा वैज्ञानिक अभ्यासामध्ये करण्यात आली आहे. ही घटना अपतटीय सागरी पायाभूत सुविधांना, पाण्याखालील संप्रेषण केबल्सना आणि किनारी भागातील समुदायांना धोका निर्माण करू शकते.

या आपत्तीजनक भूस्खलनाचा शोध टाईम-लॅप्स भूभौतिकीय डेटाच्या साहाय्याने लावण्यात आला असून हा प्रकार या क्षेत्रातील सर्वांत मोठ्या पाण्याखालील भूस्खलनांपैकी एक मानला जात आहे. हा अभ्यास सखोल पाण्यातील भू-संकटांचे निरीक्षण करण्याचे महत्त्व अधोरेखित करतो.

हे भूस्खलन जानेवारी २००९ ते डिसेंबर २०१५ दरम्यान घडले असल्याची शक्यता वर्तवली गेली आहे. यामुळे सुमारे १६० मीटर जाडीचा गाळाचा स्तर कमी झाला असून, सुमारे ११ किलोमीटर पदार्थ शेल्फ क्षेत्रातून विस्थापित झाले आहेत. या घटनेमुळे सुमारे ७० किलोमीटर क्षेत्र व्यापणारी, पंख्यासारखी मास ट्रान्सपोर्ट डिपॉझिट (एमटीडी) तयार झाली आहे, जी ९५० ते ११०० मीटर खोलीवर असून, तिची जास्तीत जास्त जाडी ६० मीटर आहे.

समुद्रावरील उद्योगांवर प्रभाव शक्य

1. या संशोधनातून खोल पाण्यातील भू-संकटांमध्ये अवसादी घटकांचे महत्त्व अधोरेखित झाले आहे. यामध्ये असे दिसून आले आहे की, मध्यम तीव्रतेच्या घटकांमुळे, जसे की चक्रीवादळ किंवा स्थानिक भूकंपामुळेही, मोठ्या प्रमाणावर भूस्खलन होऊ शकते.

2. या संशोधनाने खंडीय काठावरील अस्थिर उतार भागांचे अधिकाधिक भूभौतिकीय सर्वेक्षण व निरीक्षण करण्याची आवश्यकता अधोरेखित केली आहे. या शोधाचा समुद्रावरील उद्योगांवर प्रभाव पडण्याची शक्यता नाकारता येत नाही.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Goa Tourism: 500 वर्षांपूर्वीचे दगड, पोर्तुगीज कालीन किल्ला, गर्दीपासून दूर 'या' गावाने जपलेय 'पारंपरिक पर्यटन'

IND vs AUS 1st T20: ऑस्ट्रेलियाविरुद्धचा पहिला टी-20 सामना रद्द! पुन्हा एकदा पाऊस ठरला व्हिलन; फॉर्ममध्ये परतला कर्णधार 'सूर्या'

दक्षिण गोवा पोलिस अधीक्षकांची चौकशी करा, खुनाचा प्रयत्न केल्याप्रकरणी मडगावच्या PSI विरोधात गुन्हा दाखल करण्याची मागणी

IND vs AUS 1st T20: सर्वात जलद 150 षटकार...! कर्णधार सूर्यकुमार यादवचं धूमशान, तूफानी षटकार ठोकत रोहित शर्माला सोडले मागे; व्हिडिओ पाहून व्हाल थक्क

India President: राष्ट्रपती द्रौपदी मुर्मूंनी 'राफेल'मधून घेतली भरारी, पाकड्यांच्या दाव्याचीही पोलखोल; म्हणाल्या, 'हा माझ्यासाठी अविस्मरणीय अनुभव...' VIDEO

SCROLL FOR NEXT