वेगवेळ्या ठिकाणी दुरुस्ती करण्याची असल्याने कोकण रेल्वेने बुधवार, १० ते शनिवार, १३ रोजीदरम्यान मेगा ब्लॉक जाहीर केला आहे.
होन्नावर येथे १०१ व १२० पॉईंट बदलण्याचे असल्याने खालील ट्रेनवर परिणाम होणार आहे. ट्रेन क्रमांक २२६५३ थिरुवनंतपुरम ते निझामुद्दीन एक्सप्रेसचा प्रवास १३ एप्रिल रोजी सुरू होत असून या ट्रेनचे मंकी स्टेशनवर ४० मिनिटांसाठी नियमन केले जाईल.
१२ एप्रिल रोजी आरवली ते रत्नागिरीदरम्यान सकाळी ७ ते ९.३० वा.पर्यंत अडीच तास मेगा ब्लॉक जाहीर केला आहे. त्यामुळे खालील प्रवासी ट्रेनवर परिणाम होणार आहे.
ट्रेन क्रमांक १२६१७ एर्नाकुलम ते निझामुद्दीन एक्सप्रेस. या ट्रेनचा प्रवास ११ रोजी सुरू होत असून मडगाव ते रत्नागिरीदरम्यान एक तास ४५ मिनिटांसाठी नियमन केले जाईल.
ट्रेन क्रमांक २०९२३ तिरुनेलवेली ते गांधीधाम एक्सप्रेस - या गाडीचा प्रवास ११ एप्रिल रोजी सुरू होत असून मडगाव ते रत्नागिरीदरम्यान या ट्रेनचे एक तास १० मिनिटांसाठी नियमन केले जाईल.
प्रवाशांनी याची दखल घेत सहकार्य करावे, असे आवाहन रेल्वे व्यवस्थापनातर्फे करण्यात आले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.