Margao Firing: फास्टफूड देवाण-घेवाणीच्या कारणावरुन मडगावात गेल्या वर्षीच्या किंग मोमोने गोळीबार केल्याची घटना गुरुवारी (दि.19) रात्री घडली.

ओल्ड मार्केटजवळ संशयिताने दोनदा गोळ्या झाडल्या. यात एक व्यक्ती थोड्क्यात बचावला. गोळीबारानंतर संशयित स्वत:हून फातोर्डा पोलीस ठाण्यात हजर झाला.

फातोर्डा पोलिसांनी संशयित रसेल डिसुझा याच्याविरोधात भारतीय दंड संहिता कलम 307 व शस्त्रास्त्र कायद्यांतर्गत गुन्हा नोंद केला आहे.

गोळीबारात मुसीफुल्ला खान हा व्यक्ती थोड्यक्यात बचावला.

मुसीफुल्ला याने रसेल डिसुझा याच्याकडून फास्टफूड रेस्टॉरंट चालवायला घेतले होते. त्याच्या आर्थिक देवाण-घेवाणीतून हा वाद झाल्याचे प्राथमिक अंदाज वर्तवला जात आहे.

दरम्यान, या घटनेचा व्हडिओ सोशल मिडियावर व्हायरल होत असून, व्हिडिओत एक व्यक्ती गोळीबार करताना दिसत आहे. या घटनेनंतर परिसरात भीतीचे वातावरण निर्माण झाले होते तसेच, परिसरातील लोकांनी घटनास्थळी गर्दी केली होती.

संशयित मागील वर्षीचा किंक मोमो

गोळीबार केलेला संशयित मागील वर्षीच्या कार्निव्हालमध्ये किंग मोमो बनला होता. त्याच्याकडे स्वत:चे परवाना असलेले पिस्तूल होते. मुसीफुल्ला याला धमकावण्याच्या उद्देशाने त्याने गोळीबार केल्याची माहिती समोर आली आहे.