Goa Crime दाडाचीवाडी-धारगळ येथील प्रज्योत राजेंद्र कोनाडकर या युवकाचे पूर्ववैमनस्यातून नागझर येथून अपहरण करून बेदम मारहाण केल्याचा धक्कादायक प्रकार उघडकीस आला आहे.

याप्रकरणी पोलिसांनी पोरस्कडे येथील शुभम हळदणकर आणि माडेल-बार्देश येथील सागर शिरोडकर यांना अटक केली.

दत्तराज साळगावकर (हाऊसिंग बोर्ड, बार्देश) व आणखी एका संशयिताला अद्याप अटक झालेली नाही. मात्र, अटक केलेल्या दोघा संशयितांची न्यायालयाने जामिनावर सुटका केली. प्रज्योत गंभीर जखमी झाला असून उपचार सुरू आहेत.

सिमेंटच्या लाद्यांनी ठेचले

संशयितांनी प्रज्योतचे कारमधून अपहरण केले. नंतर पीर्ण येथील जंगलात प्रज्योतला जमिनीवर पाडून लाथा-बुक्क्यांनी तसेच सिमेंटच्या लाद्यांनी मारहाण केली. प्रज्योतचा मोबाईल फोन फेकून दिला व पोलिस ठाण्यात तक्रार केल्यास जीवे मारण्याची धमकी दिली., असे तक्रारीत नमूद केले आहे.