फोंडा: खांडेपार नदीचा मुर्डी भागाकडील काठ तुटत असून नदीकाठची जमीन ढासळत असल्याने नदीचे पात्र मोठे होत आहे.
कालच मुर्डी भागातील सुमारे पंचवीस मिटरचा भाग अचानक पाण्यात कोसळला, त्यातच आणखीही काही भाग कोसळण्याच्या मार्गावर असून गावाला पुराच्या पाण्याचा धोका संभवत असल्याचे ग्रामस्थांनी पत्रकारांशी बोलताना सांगितले.
खांडेपार नदीच्या मुर्डी तसेच लगतच्या भागातील नदीचा काठ पाण्यात कोसळून पडत आहे. या प्रकारामुळे नदीच्या काठावरील झाडांचे भवितव्य धोक्यात आले आहे. नदीचा काठ तुटत असल्याने झाडेही नदीच्या पाण्यात पडत आहेत.
राज्यातील अनेक ठिकाणी नदीचे काठ तुटून पडत आहेत. खांडेपार, महादयी नदीच्या काठ कोसळून पडत असल्याने नदीचे पात्र रूंद होत आहे. यामुळे काठावरील माड तसेच इतर झाडे कोसळत असल्याने हिरवाईला धोका निर्माण झाल्याची प्रतिक्रिया उसगाव येथील पर्यावरणप्रेमी प्रकाश नाईक यांनी व्यक्त केली.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.