Arambol, Goa

पेडणे: गोव्यात मित्रांसोबत फिरण्यासाठी आलेल्या तरुणाचा समुद्रात बुडून मृत्यू झाला आहे. उत्तर गोव्यातील हरमल येथे आज (बुधवारी, २१ ऑगस्ट) ही घटना उघडकीस आली. मांद्रे पोलिसांनी याप्रकरणी अनैसर्गिक मृत्यूची नोंद केली आहे.

अफताब के. एस. सैनुदिन (25, रा. कोची, केरळ) असे या मृत पर्यटकाचे नाव आहे.

मांद्रे पोलिसांनी दिलेल्या माहितीनुसार, अफताब त्याच्या मित्रांसोबत गोव्यात फिरण्यासाठी आला होता. हरमल येथील सुमुद्रकिनारी सर्वजण फिरण्यासाठी आले असता. अफताब समुद्रात पोहण्यासाठी गेला पण पाण्याचा अंदाज न आल्याने तो बुडाला.

स्थानिकांनी त्याला बाहेर काढून तुये येथील रुग्णालयात दाखल केले असता, त्याला मृत घोषित करण्यात आले. मांद्रे पोलिसांनी याप्रकरणी अनैसर्गिक मृत्यूची नोंद केली असून, अधिक तपास सुरु आहे.