Electrocution At Miramar Beach

पणजीतील प्रसिद्ध मिरामार समुद्रकिनाऱ्यावरुन परतताना केरळच्या व्यक्तीचा वीज अंगावर पडून मृत्यू झाला आहे. सुदैवाने त्यांची पत्नी आणि मुले यातून बचावली आहेत.

सात चे आठ जणांचा ग्रुप मंगळवारी रात्री नऊच्या सुमारास मिरामार बीचवर असताना ही घटना घडली. याचवेळी पावसाला देखील सुरुवात झाली होती.

अखिल विजयन (35, रा. केरळ) असे मृत्यू झालेल्या व्यक्तीचे नाव आहे. अखिल त्यांची पत्नी मुलांसह मंगळवारी मिरामार समुद्रकिनारी गेले होते, त्यांच्यासोबत काही मित्र देखील होते. रात्री नऊच्या सुमारास हलक्या पावसाला सुरुवात झाल्याने त्यांनी माघारी परतण्यास सुरुवात केली. माघारी परतणाऱ्या अखिल आणि त्यांच्या सोबतच्या लोकांसमोरच वीज कोसळली.

यात अखिल अत्यवस्थ झाले आणि कोसळले, इतरांचे देखील शुद्ध हरपली मात्र थोड्या वेळात बाळीचे शुद्धीवर आले पण, अखिल शुद्धीवर आले नाहीत.

अखिल यांना उपचारासाठी त्यांनी बांबोळी येथील रुग्णालयात दाखल करण्यात आले. पण, त्यांना मृत घोषित करण्यात आले. अखिल यांच्या मृतदेहाचे शवविच्छेदन करण्यात आले त्यावेळी त्यांचा वीजेच्या झटक्याने मृत्यू झाल्याचे समोर आले.

शवविच्छेदनानंतर अखिल यांचा मृतदेह अंत्यविधीसाठी त्यांच्या कुटुंबियांकडे सोपविण्यात आला.