Ponda Crime News: काझीवाडा-फोंडा येथील 47 वर्षीय व्यक्तीने आत्महत्या केली आहे. मूळचा कर्नाटक येथील रहिवाशी असलेल्या या व्यक्तीने रविवारी सायंकाळाच्या सुमारास गळफास घेत आत्महत्या केली. झाडाला लटकलेल्या अवस्थेत त्याचा मृतदेह सापडला.

मिळालेल्या माहितीनुसार, महंमद रफीक रफीक अब्दुल कादर पठाण (वय 47 रा. काझीवाडा, मूळ गाव कर्नाटक) असे या इसमाचे नाव आहे.

स्थानिकांना झाडाला लटकलेल्या अवस्थेत त्याचा मृतदेह आढळून आल्यानंतर तात्काळ पोलिसांना याबाबत माहिती देण्यात आली. पोलिसांनी घटनास्थळी धाव घेत पंचनामा केला.

शवविच्छेदनासाठी मृतदेह बांबोळी येथील गोमेकॉत पाठविण्यात आला आहे. पोलिसांनी घटनेची अनैसर्गिक मृत्यू म्हणून नोंद केली आहे.

दरम्यान, महंमद यांनी आत्महत्या का केली याबाबत अद्याप ठोस माहिती समोर आली नाही. तरी महंमद हे मागील बऱ्याच काळापासून बेरोजगार होते. असे स्थानिक सांगतात.

याप्रकरणाचा पुढील तपास महिला पोलिस उपनिरीक्षक रश्मी भाईडकर करत आहेत.