jayesh chodankar Murder Case news : जयेश चोडणकर खून प्रकरणातील संशयितांची लाय डिटेक्टर चाचणी करण्यासाठी ओल्ड गोवा पोलिसांनी दाखल केलेला अर्ज न्यायालयाने फेटाळला आहे.

चिंबल - मेरशी जंक्शनवर पार्किंगवरून झालेल्या वादानंतर मेरशी सर्कलकडे धावताना एका वाहनाने दिलेल्या धडकेत जयेशचा मृत्यू झाला होता.

चोडणकर कुटुंबीयांनी जयेश यांचा संशयितांनी पूर्वनियोजित कट आखून खून केल्याचा दावा करून खुनाचा गुन्हा नोंदवण्याची मागणी केली होती.

याप्रकरणी पोलिसांनी हीट अँड रन तसेच मारहाणप्रकरणी दोन वेगवेगळे गुन्हे दाखल केले. मृत्यूप्रकरणी पोलिसांनी संशयित कृपेश वळवईकर (बिठ्ठोण) तसेच आयआरबीचा पोलिस संशयित प्रीतेश हडकोणकर या दोघांविरुद्ध खुनाचा गुन्हा दाखल केला आहे.