फोंडा: फोंडा उपनगराध्यक्षपदी जया सावंत यांची निवड झाली आहे. आणि मगो गोवा फॉरवॉर्ड समर्थक जया सावंत यांना 9 तर प्रतिस्पर्धी भाजप समर्थक अर्चना नाईक डांगी यांना 6 मते पडली आहेत.

वीरेंद्र ढवळीकर यांनी राजीनामा दिल्यानंतर फोंडा नगरपालिकेने ( PMC ) आज एका नवीन उपसभापतीसाठी मतदान घेतले. यामध्ये अर्चना डांगी आणि जया सावंत या नगरसेवक निवडणूकीच्या रिंगणात होत्या. ढवळीकर यांच्या विरोधात 15 सदस्यीय समितीच्या आठ नगरसेवकांनी 11 ऑक्टोबर रोजी अविश्वास प्रस्ताव मांडला होता. तथापि, परिषदेने हा निर्णय पालिका प्रशासनाचे संचालक (डीएमए) गुरुदास पिलारणकर यांच्याकडे पाठवला होता.

पिलारणकर यांनी आपल्या आदेशात म्हटले होते की, "15 सदस्यीय परिषदेत केवळ सात नगरसेवक असल्याने या प्रस्तावाला बहुमत मिळू शकत नाही. या प्रस्तावावर मतदान करण्यासाठी आठही सदस्य विशेष सभेला उपस्थित राहणे आवश्यक होते." भाजप प्रणित फोंडा नागरी समितीने 21 ऑक्टोबर 2020 रोजी वीरेंद्र ढवळीकर यांना PMC उपसभापतीपद बहाल केले होते. दरम्यान सहा महिन्यांत खुर्ची सोडतील आणि इतर सहकार्‍यांना उपाध्यक्ष होण्याची संधी देतील असे तोंडी ठरले होते. मात्र, तब्बल एक वर्ष होवूनही त्यांनी खुर्ची रिकामी केली नव्हती, त्यामुळे त्यांच्यावर हा अविश्वासाचा प्रस्ताव मांडण्यात आला. आणि ही निवडणूक घेण्यात आली.