Mahadayi Water Dispute म्हादईचे पाणी वळविण्यासाठीच्या कर्नाटकच्या सुधारीत डीपीआरला केंद्रीय जल बोर्डाची परवानगी मिळाली असली तरी प्रत्यक्षात हे काम मार्गी लावताना त्यांना पर्यावरण परिणाम अभ्यास (ईआयए) प्रक्रिया पूर्ण करावी लागेल, अशी माहिती जलशक्ती मंत्री बिस्वेस्वर तुडू यांनी केला आहे. खासदार लुईझिन फालेरो यांनी राज्यसभेत विचारलेल्या एका प्रश्नाला उत्तर देताना त्यांनी ही माहिती दिली.

म्हादईचे पाणी कर्नाटकने वळविले तर त्याचे विपरीत पर्यावरणीय गोव्यातील पाच तालुक्यावर आणि सहा अभायारण्यावर होणार आहेत. याची मंत्रालयाला जाणीव आहे का? असा प्रश्न फालेरो यांनी विचारला होता, त्यावर त्यांनी हे उत्तर दिले.

म्हादई पाणी लवादाच्या आदेशानुसर कर्नाटकला कळसा प्रकल्पातून 2.18 टीएमसी तर भांदुरा प्रकल्पातून 1.72 टीएमसी पाणी वळविण्याची परवानगी दिली आहे, अशी माहिती या उत्तरात दिली आहे.