साळगाव: इंडियन प्रीमियर लीग (IPL 2025) क्रिकेट सामन्यांदरम्यान ऑनलाइन सट्टेबाजीचे नेटवर्क उघडकीस आणत साळगाव पोलिसांनी मोठी कारवाई केली आहे. राज्यात वाढत्या सट्टेबाजांवर वचक बसवण्यासाठी सुरू असलेल्या विशेष मोहिमेअंतर्गत, सांगोल्डा येथील एका नामांकित हॉटेलवर छापा टाकण्यात आला. या कारवाईत तीन सट्टेबाजांना अटक करण्यात आली आहे.
या कारवाईत तीन सट्टेबाजांना अटक करण्यात आली असून, त्यांच्याकडून सट्टेबाजीसाठी वापरण्यात येणारे १ मोबाईल फोन, एक लॅपटॉप आणि विविध इलेक्ट्रॉनिक उपकरणं असा एकूण १ लाख २० हजार रुपयांचा मुद्देमाल जप्त करण्यात आला आहे.
सांगोल्डा परिसरातील एका व्हिलामध्ये आयपीएल सामन्यांवर ऑनलाईन सट्टा लावत असल्याची माहिती मिळताच साळगाव पोलिसांनी तत्काळ छापा टाकत ही कारवाई केली. उत्तर गोवा पोलीस अधीक्षक अक्षत कौशल यांच्या मार्गदर्शनाखाली ही कारवाई करण्यात आली.
इंडियन प्रीमियर लीग (IPL 2025) क्रिकेट स्पर्धेच्या पार्श्वभूमीवर गोव्यात सट्टेबाजीच्या प्रमाणात लक्षणीय वाढ झाली असून, या प्रकारावर अंकुश ठेवण्यासाठी गोवा पोलीस सट्टेबाज टोळ्यांवर लक्ष ठेवून कारवाई करत आहेत.
राज्यात आयपीएल सुरू झाल्यापासून अनेक ठिकाणी ऑनलाईन पद्धतीने सट्टा लावणाऱ्यांचा पर्दाफाश करण्यात आला आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.