Goa Fungus in Ration Rice: खाण्यालायक नसलेला तांदूळ लोकांच्या माथी मारला- माजी महसूल मंत्र्यांची सरकारवर टीका
Goa Fungus in Ration Rice लोकांना धान्य देण्याअगोदर सरकारने ते तपासून देणे गरजेचे होते. लोक खातात म्हणून कसलेही अन्न देऊ नये. कारण सरकार जे लोकांना अन्न देतात ते त्यांच्याच पैशातूनच दिले जाते. लोकांचे आरोग्य सांभाळणे, तितकीच जबाबदारी सरकारची आहे.
जो तांदूळ खाण्यालायक नाही तो लोकांच्या माथी मारला ही खेदजनक बाब आहे. असा खोचट टोला माजी महसूल मंत्री जूझे फिलीप डिसोझा यांनी निकृष्ट तांदळाविषयी मारला.
याला जबाबदार असणाऱ्यांवर कठोर कारवाई करावी अशी मागणी यावेळी माजी महसूल मंत्री जूझे फिलिप डिसौझा यांनी केली आहे.
मुरगाव तालुक्यातील काही स्वस्त धान्य दुकानातून किडलेला व निकृष्ट दर्जाचा तांदुळ रेशन कार्डधारकांना वितरीत केल्याने याला वाचा फुटून हे प्रकरण सध्या गाजत आहे. लोकांनीही सरकारच्या नावाने बोटे मोडण्यास सुरुवात केली आहे.
याविषयी माजी महसूल मंत्री फिलिप डिसोझा यांनी आपली प्रतिक्रीया व्यक्त करून नाराजी व्यक्त केली. त्यांनी यावर भाष्य करताना स्वस्त धान्य दुकानात धान्य देताना नागरी पुरवठा खात्याने ते तपासून पाहणे गरजेचे आहे.
तसेच स्वस्त धान्य दुकानदारांनी लोकांना धान्य देण्या अगोदर ते तपासून मगच लेकांना दाखवून वितरण करणे तितकेच गरजेचे आहे. या गोष्टी सरकारने तसेच नागरी पुरवठा खात्याने केल्या नाही म्हणून आज एवढा मोठा गाजावाजा झाला.
तेच धान्य जर तपासून दिले असते तर आज एवढा मोठा गाजावाजा झाला नसता. ही मोठी चूक सरकारकडून घडलीय. सरकार लोकांसाठी इतके धान्य आणते ते लोकांच्याच पैशातून. त्यासाठी कोणतीही वस्तू लोकांना देताना ती खाण्यालाक असली पाहिजे असे डिसौझा म्हणाले.
तसेच स्वस्त धान्य दुकानदारांना हा निकृष्ट दर्जाचा तांदुळ परत देण्यास सांगितले. याचा खर्च कोण देणार गाडी भाडे, हमाली याचा खर्च वाढला. यावर सरकारने विचार करणे गरजेचे आहे.
स्वस्त धान्य दुकानदारांना परवडणार नाही. सरकारने स्वस्त धान्य दुकानदारांना सबसीडी द्यावी जेणेकरून त्यांच्या खर्चावर नियंत्रण येईल असे फिलिप डिसोझा सांगितले.
दरम्यान संचालकांनी कुठ्ठाळी येथील जाऊन तपासणी केली, तसेच काही स्वस्त धान्य दुकान तपासणी करून चौकशी केली. नंतर पार्सेकर यांनी गोदामातील दहाच्या आसपास गोण्या तांदूळ खराब झाल्याचे सांगत व्हायरल फोटो, व्हीडीओ गोदाम गोण्यांचे व तांदळाचे नसल्याचे सांगितले.
त्यांचा हा दावा मुरगाव तालुक्यातील अनेक दुकानदारांनी त्यांच्याकडे असलेला साठा उघड करून फोल ठरवला आहे. अशा प्रकारचे सर्वसामान्यांना धान्य देणे दुर्दैवी गोष्ट असून नागरीपुरवठा मंत्र्यांनी या प्रकरणाची गंभीर दखल घ्यावी.
तसेच याला जबाबदार असणाऱ्यांवर कठोर कारवाई करावी अशी मागणी यावेळी माजी महसूल मंत्री जूझे फिलिप डिसौझा यांनी केली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.