Indian Coast Guards Rescue Operation: गोव्याच्या किनाऱ्यापासून सुमारे 80 नॉटिकल मैल अंतरावर गेलेल्या क्रूझ लाइनर कोस्टा सेरेनामधून एका भारतीय प्रवाशाला यशस्वीरित्या बाहेर काढण्यात आले. ICG च्या प्रवक्त्याने दिलेल्या माहितीनुसार, क्रूझ लाइनरमध्ये दुपारी 3:20 वाजता हृदयाशी संबंधित आजाराचा त्रास होऊ लागल्याने वैद्यकीय मदतीसाठी प्रवाशाला बाहेर आणून रुग्णालयात दाखल करण्यात आले.

प्रवाशाची तब्येत बिघडलेली असल्याने गोव्यातील ICG मरीन रेस्क्यू सब कोऑर्डिनेशन सेंटर (MRSC) ने तात्काळ रेस्क्यू ऑपरेशन सुरू केले.

क्रुझ लाइनरला मार्ग बदलून रुग्णाला वैद्यकीय मदतीसाठी जमिनीवर घेऊन येण्यासाठी गोव्याकडे जाण्याच्या सूचना देण्यात आल्या आहेत, असे अधिकाऱ्यांनी सांगितले.

दरम्यान, या परिसरात आधीपासूनच तैनात असलेली ICG इंटरसेप्टर बोट C-158 ताबडतोब घटनास्थळी रवाना करण्यात आली. C-158 आणि कोस्टा सेरेना गोव्यापासून सुमारे 30 नॉटिकल मैलांवर एकत्र आले.

C-158 ने क्रूझ जहाजाच्या वैद्यकीय कर्मचार्‍यांच्या मदतीने रुग्णाला बाहेर काढण्यात आले.

रुग्णाला घेतल्यानंतर C-158 रात्री 8:30 वाजता मुरगाव बंदर प्राधिकरणात दाखल झाले, असे ICG प्रवक्त्याने सांगितले. त्यानंतर रुग्णाला ताबडतोब पणजी येथील मणिपाल रुग्णालयात विशेष वैद्यकीय उपचारासाठी स्थानांतरित करण्यात आले.