मडगाव: विविध राज्यातून गोव्यात कामासाठी स्थलांतरित झालेली कुटुंबे मडगाव मधील रस्त्यांवर वास्तव्य करतात. रेल्वे स्थानकाकडे जाणाऱ्या रस्त्याच्या फूटपाथवर तसेच शहरातील विविध रस्त्यांच्या कडेला स्थलांतरित लोक आपल्या कुटुंबांसमवेत राहताना दिसतात. (Margao News)

अनेक स्थलांतरित कुटुंबांनी फूटपाथलाच आपले घर बनवले आहे. स्वयंपाक करणे, झोपणे आदि क्रिया ते उघड्यावरच करतात. परिणामी फूटपाथवर चालणाऱ्या लोकांची गैरसोय होत आहे. या कुटुंबातील (Family) लहान मुले खेळाच्या निमित्ताने रस्त्यावर (Road) धावतात. यामुळे त्यांच्या जीवाला धोका निर्माण होतो तसेच वाहन चलकांना देखील त्रास सहन करावा लागतो.

आम्ही उत्तर प्रदेश (Uttar Pradesh) आणि राजस्थानमधून स्थलांतर झालेल्या लोकांना रस्त्याच्या कडेला वावरताना आणि आक्रमकपणे रस्त्यावरून जाणाऱ्यांचा पाठलाग करून भीक मागताना पाहतो. आयनॉक्स सिनेमाजवळील काही फूटपाथ मोठ्या शहरातील झोपडपट्ट्यांसारखे दिसू लागले आहेत. याकडे सरकारने लक्ष दिले पाहिजे, असे येथील नागरिकांचे म्हणणे आहे.