Ram Mandir Ayodhya: अयोध्यानगरीत काल (सोमवारी) प्रभू रामाच्या मूर्तीची प्राणप्रतिष्ठापना सोहळा पार पडला. यावेळी संपूर्ण देशभरात आनंदोत्सव साजरा करण्यात आला. यानिमित्ताने गोवेकरांना अयोध्यावारी घडवणार असल्याचे प्रतिपादन आरोग्यमंत्री विश्वजित राणे यांनी केले आहे.

आरोग्यमंत्री विश्वजित राणे म्हणाले की, येत्या तीन वर्षात ते सत्तरी आणि उसगावमधून 15 हजार लोकांना अयोध्येला पाठवणार आहेत.

प्राणप्रतिष्ठापना सोहळ्यानिमित्त सत्तरी आणि उसगावमध्ये 1,000 हून अधिक गोवेकरांनी काल वाळपई येथील मैदानावर 55,000 दिवे प्रज्वलित केले होते. यामुळे सर्वत्र दिवाळीचे वातावरण होते.

मंत्री राणे पुढे म्हणाले की, प्रभू रामाच्या मूर्तीचा प्राणप्रतिष्ठापना सोहळा सत्तरी आणि उसगावकरांनी मोठ्या उत्साहात साजरा केला. प्रत्येकाला आता अयोध्येत जाणे शक्य नसले तरी पुढील 3 वर्षात अयोध्या दर्शन घेणे शक्य होणार आहे.