BJP Government: लोकसभेची सेमिफायनल म्हणून पाहिल्या जाणाऱ्या पाच राज्यांतील विधानसभा निवडणुकीत चारपैकी तीन राज्यांत भाजपने सरशी घेतल्यानंतर आज मडगाव येथील दक्षिण गोवा कार्यालयात भाजप कार्यकर्त्यांनी जल्लोष केला.
देशात पुन्हा भाजपचेच सरकार येणार याचे हे स्पष्ट संकेत आहेत, अशी प्रतिक्रिया मडगावचे आमदार दिगंबर कामत यांनी व्यक्त केली.
आजचे निकाल म्हणजे देशातील जनतेने प्रधानमंत्री नरेंद्र मोदी यांच्यावर दाखविलेला विश्वास असून येत्या लोकसभा निवडणुकीत भाजप तीनशेचा आकडा सहज पार करेल, असा विश्वास कामत यांनी व्यक्त केला.
यावेळी नावेलीचे आमदार उल्हास तुयेकर, माजी आमदार दामू नाईक, दक्षिण गोवा अध्यक्ष तुळशीदास नाईक, सर्वानंद भगत, सावियो रॉड्रिग्ज तसेच अन्य कार्यकर्ते उपस्थित होते.
दरम्यान, 4 पैकी तीन राज्यांत भाजपने मिळविलेला दणदणीत विजय म्हणजे देशाच्या जनतेने प्रधानमंत्री नरेंद्र मोदी आणि भाजप अध्यक्ष जे. पी. नड्डा यांच्यावर दाखविलेला विश्वास आहे, असे एसटी मोर्चाचे उपाध्यक्ष अँथनी बार्बोझा यांनी सांगितले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.