Women's Cricket Tournament आसगावच्या डीएम्स महाविद्यालयाने एकतर्फी अंतिम लढतीत पणजीच्या डॉन बॉस्को महाविद्यालयावर तब्बल 130 धावांनी दणदणीत विजय नोंदवत आंतरमहाविद्यालयीन महिला क्रिकेट स्पर्धेत अजिंक्यपद पटकावले.

गोवा विद्यापीठातर्फे घेण्यात आलेल्या या स्पर्धेतील अंतिम सामना सोमवारी ताळगाव पठारावरील विद्यापीठ मैदानावर झाला.

शानदार शतक ठोकणारी पूर्वा भाईडकर डीएम्सच्या विजयाची शिल्पकार ठरली. तिने 73 चेंडूंत आक्रमक 123 धावा केल्या.

त्यामुळे डीएम्सने प्रथम फलंदाजी करताना 4 बाद 226 धावा केल्या. डॉन बॉस्को महाविद्यालयास आव्हान अजिबात पेलवले नाही. त्यांना निर्धारित 20 षटकांत 6 बाद 96 धावाच करता आल्या.

धेंपे महाविद्यालयाच्या प्राचार्य वृंदा बोरकर यांच्या हस्ते बक्षीस वितरण झाले. स्पर्धेत राज्यातील 14 महाविद्यालयीन संघांनी भाग घेतला होता.

संक्षिप्त धावफलक

डीएम्स महाविद्यालय: 20 षटकांत 4 बाद 226 (पूर्वा भाईडकर 123, मेताली गवंडर 21, अर्पिता सावंत 2-30, अनीक्षा मोरजकर 2-46) विजयी विरुद्ध डॉन बॉस्को महाविद्यालय: 20 षटकांत 6 बाद 96 (अनिता चौधरी 29, सोनम म्हाळसेकर 10, मेताली गवंडर 3-16, रिदा शेख 1-20).

वैयक्तिक बक्षिसे:

उत्कृष्ट बॅटर- पूर्वा भाईडकर (डीएम्स),

उत्कृष्ट बॉलर: अमिशा लोटलीकर (डॉन बॉस्को),

स्पर्धेची मानकरी: मेताली गवंडर (डीएम्स).

विजेता डीएम्स महाविद्यालय संघ: निकित नाईक, समीक्षा राऊळ, रेश्मा राठोड, लक्ष्मी चव्हाण, पूर्वजा राठोड, ऊर्वशी गोवेकर, पूर्वा भाईडकर, रोशनी परब मयेकर, मेताली गवंडर, सावित्रीकुमारी कुमावत, संजना मालवणकर, श्रीलेखा याडला, रिदा शेख.