Goa Election 2022 News  Dainik Gomantak
गोवा

गोव्यात मतमोजणीपूर्वीच सत्तेसाठी रस्सीखेच

काँग्रेसचे ज्येष्ठ नेते पी. चिदंबरम यांनी मगोपचे सुदिन ढवळीकर यांची भेट घेत सत्तेत सहभागी होण्यासाठी विनंती केली

दैनिक गोमन्तक

पणजी: एक्झिट पोलच्या चाचण्यांनंतर आणि विधानसभा निवडणुकीच्या मतमोजणीला अवघे काही तास शिल्लक असतानाच सत्तास्थापनेसाठी भाजप आणि काँग्रेस पक्षाची रस्सीखेच सुरू झाली आहे. यासाठी काँग्रेसचे ज्येष्ठ नेते पी. चिदंबरम यांनी मगोपचे सुदिन ढवळीकर यांची भेट घेत सत्तेत सहभागी होण्यासाठी विनंती केली आहे. दुसरीकडे काँग्रेसने खबरदारी घेत आपले सर्व उमेदवार बांबोळी बीच रिसॉर्टमध्ये एकत्रित ठेवलेत. त्यांच्यासोबत गोवा प्रभारी दिनेश गुंडूराव आहेत. रात्री उशिरा ते राहुल गांधी यांच्यासोबत ऑनलाईन चर्चा करण्याची शक्यता आहे. (Goa Election 2022 News)

भाजपनेही सत्ता स्थापनेची गणितं मांडणे सुरू केले असून यासाठी मुख्यमंत्री डॉ. प्रमोद सावंत यांनी दिल्ली गाठत पंतप्रधान नरेंद्र मोदी यांची भेट घेतली. याशिवाय केंद्रीय गृहमंत्री अमित शहा, राष्ट्रीय अध्यक्ष जे.पी नड्डा, केंद्रीय मंत्री नितिन गडकरी यांची भेट घेत सत्तास्थापनेसाठीची तयारीवर सविस्तर चर्चा केली. मुख्यमंत्र्यांनी सत्तास्थापनेसाठी भाजपचे केंद्रीय नेते ढवळीकर यांच्याशी चर्चा करतील असे म्हटले आहे. यावर मगो नेते सुदिन ढवळीकर यांनी तिखट प्रतिक्रिया दिली. ज्या पक्षाच्या नेत्यांनी मला मंत्रिमंडळातून काढून टाकत आमचे आमदार पळवले, त्यांच्या बरोबर मी कधीच जाणार नाही अशी प्रतिक्रिया दिली आहे.

डीके शिवकुमार गोव्यात दाखल

कर्नाटक काँग्रेसचे अध्यक्ष डीके शिवकुमार हे गोव्यात दाखल झालेत. कोणत्याही परिस्थितीमध्ये सत्तेत येणार असा काँग्रेसचा दावा असून यासाठी शिवकुमार महत्त्वाची भूमिका बजावू शकतात. हे ओळखून सत्ता स्थापनेसाठीची सूत्रे आता शिवकुमार यांच्या हातात दिल्याची माहिती आहे. यापूर्वी शिवकुमार यांनी कर्नाटक, गुजरात आणि मध्यप्रदेश काँग्रेससाठी महत्त्वपूर्ण भूमिका बजावल्याने त्यांना गोव्याची जबाबदारी दिली आहे.

मगोपकडून पाठिंब्याची हमी

काँग्रेसचे ज्येष्ठ निवडणूक निरीक्षक पी. चिदंबरम यांनी मगोप कदापि भाजपबरोबर जाणार नाही असा दावा केला आहे. भाजपने मगो पक्षाचा विश्वासघात केला आहे. मगोपने काँग्रेसला पाठिंब्याची हमी दिल्याचे चिदंबरम यांनी सांगितले. काँग्रेसला बहुमत मिळेल. परंतु तरीही आम्ही मगोप, आप, तृणमूल यासह भाजपविरोधी पक्षांना सोबत घेऊन गोव्यात सरकार स्थापन करणार असा विश्‍वास त्यांनी व्यक्त केला.

इतरांना भाव

विविध संस्थांनी केलेल्या जनमत चाचण्यांचे आधारे राज्यातील त्रिशंकू विधानसभा अस्तित्वात येईल असे भाकित वर्तवण्यात आले आहे. त्यामुळे छोटे पक्ष प्रामुख्याने मगोप, तृणमूल काँग्रेस, आम आदमी पक्ष आणि अपक्ष यांना यांचा भाव वाढला आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Couple Assault Viral Video: फोटो काढणाऱ्या जोडप्याला अश्लील शेरेबाजी, बेदम मारहाण, 8 अल्पवयीन मुले ताब्यात; मुंबईतील खळबळजनक व्हिडिओ व्हायरल

Agniveer Recruitment Data Leak: मोठी खळबळ! अग्निवीरांचा डेटा डार्क वेबवर विकायचा डाव? 14 वर्षांच्या मुलाला दिल्ली पोलिसांनी घेतलं ताब्यात

Railways New Rules: प्रवाशांनो सावधान! ट्रेनमध्ये मोठ्या आवाजात बोलणे पडू शकते महागात; न ऐकल्यास भोगावा लागू शकतो तुरुंगवास अन् दंड

Check Dam Construction: 3 तालुक्यांत 116 बंधाऱ्यांत पाणी अडवले; परिसरातील भूजल पातळीत वाढ झाल्याचा दावा

Gurpatwant Singh Pannun Murder Plot: खलिस्तानी दहशतवादी गुरपतवंत सिंग पन्नूच्या हत्येचा कट, अमेरिकन कोर्टाचा निखिल गुप्ताला झटका; सुनावली 20 वर्षांची शिक्षा

SCROLL FOR NEXT