म्हापसा: चिठ्ठी लिहून वृद्ध बहीण - भावाने जीवन संपवल्याची घटना हळदोणा येथून समोर आली आहे. दोघांचेही मृतदेह घरात आढळून आल्याने हळदोणात खळबळ निर्माण झालीय. गुरुवारी (०५ डिसेंबर) संध्याकाळी सातच्या सुमारास ही घटना उघडकीस आली.

सेबेस्टीन कार्दोझ (वय. 68, रा. हळदोणा) आणि अवलिना कार्दोझ (वय. 72, रा. हळदोणा) अशी मृत भावंडाची नावे आहेत. सेबेस्टीन यांनी गळफास घेऊन आत्महत्या केल्याचे उघड झाले आहे तर, अवलिना यांचा मृतदेह बेडवरुन आढळून आला आहे. पोलिसांना घटनास्थळावरुन एक सुसाईड नोट (चिठ्ठी) मिळाली असून, यात काय लिहलंय याची माहिती अद्याप समोर आलेले नाही.

म्हापसा पोलिसांनी घटनास्थळी दाखल होत पंचनामा केला असून, दोघांचे आत्महत्येचे कारण शोधले जात आहे. म्हापसा पोलिस निरीक्षक निखिल पालेकर, पोलिस उपनिरीक्षक अजय धुरी, बाबलो परब घटनेचा अधिक तपास करत आहेत.