Yellow Alert In Goa

गोव्यात पुढील सहा दिवस पावसाची शक्यता गोवा हवामान खात्याने व्यक्त केली आहे. दरम्यान, यातील दोन दिवस वादळी वाऱ्यासह पावसाची शक्यता असून, यलो अलर्ट जारी करण्यात आला आहे.

हवामान खात्याच्या माहितीनुसार, राज्यात ११ आणि १२ मे रोजी वादळी वाऱ्यासह पावसाची शक्यता आहे.

हवामान खात्याने दिलेल्या माहितीनुसार, गोव्यात ११ ते १६ मे या काळात तुरळक पावसाची शक्यता असून, ११ व १२ तारखेला वादळी वाऱ्यासह पाऊस होण्याची शक्यता आहे. या दोन दिवसांसाठी हवामान खात्याने यलो अलर्ट देखील जारी केला आहे.

गेल्या २४ तासांत राजधानी पणजीत सर्वाधिक ३४.५ अंश सेल्सियस तापमान नोंदविण्यात आले असून, मुरगावमध्ये सर्वात कमी २५.८ अंश सेल्सियस तापमान नोंदविण्यात आले आहे. दरम्यान, पुढील पाच दिवसांसाठी राज्यातील तापमानात मोठा बदल अपेक्षित नाही, असेही हवामान खात्याने म्हटले आहे.

दक्षिण तसेच उत्तर गोव्यात १२ आणि १३ मे रोजा वीजांच्या कडकडासह वादळी वाऱ्याची शक्यता असून, याकाळात ३० ते ४० किमी वेगाने वारे वाहण्याची शक्यता आहे.

तसेच, पुढील चोवीस राज्यात बहुतांश ठिकाणी ढगाळ वातावरण राहण्याची शक्यता आहे.