केपे: कुडचडे पोलिस स्थानकापासून साधारण पाच किलोमीटर अंतरावर चालणाऱ्या मिराबाग येथील बेकायदेशीर चिरेखाणीवर खाण खात्याने सोमवार (17 मार्च) अचानक छापा टाकून करोडो रुपयांची यंत्रसामग्री जप्त केली. या कारवाईमुळे गेल्या काही वर्षांपासून बिनदिक्कतपणे चालणाऱ्या या चिरेखाणी सोमवारपासून बंद पडल्या आहेत. या खाणीतून बेकायदेशीर चिरे काढल्याने सरकारचे (Government) सुमारे पन्नास लाख रुपयांचे नुकसान झाल्याचे खाण खात्याने आपल्या अहवालात म्हटले आहे.
मिळालेल्या माहितीनुसार, मिराबाग-सावर्डे येथे गेल्या पाच वर्षांपासून सरकारी तसेच खासगी जागेत बिनदिक्कतपणे बेकायदेशीर चिरे काढण्याचा व्यवसाय सुरु होता. या चिरे खाणीवर नावापुरती अनेकदा कारवाई करण्यात आली होती, पण सोमवारी खाण खात्याने कुणालाही पूर्वकल्पना न देता मिराबाग येथे धडक देऊन सरकारी जागेत चालणाऱ्या सोळा बेकायदेशीर चिरेखाणींवर कारवाई करुन चिरे काढण्यासाठी वापरण्यात येणारे 17 पॉवर टिलर, जेसीबी, व्हील लोडर, ट्रक आणि जनरेटर जप्त करण्यात आले आहेत.
खाण खात्याने यंत्रसामग्री जप्त करुन कुडचडे पोलिसांच्या स्वाधीन केली असून सध्या या समग्रीचे रक्षण करण्यासाठी पोलिस तैनात केले आहेत. ही यंत्रसामग्री बरीच अवजड असल्याने ती जागेवरुन हटविण्याचे काम लवकरच हाती घेणार असल्याचे कुडचडे पोलिसांनी (Police) सांगितले आहे. पुढील तपास कुडचडे पोलिस करत आहेत.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.